ចំណងស្នេហាអតីតបេក្ខនារី «The Voice Cambodia» នាង សាន ស្រីឡៃ ត្រូវបានបញ្ចប់
នៅលើបណ្តាញសង្គមហ្វេសប៊ុក របស់តារាស្រីអ្នកនាង សាន ស្រីឡៃ កាលពីពេលថ្មីៗនេះ នាងបានបង្ហោះរូប ភាពជាច្រើនភ្ជាប់ជាមួយឃ្លីបវីដេអូអង្គុយ និងដេកសម្រក់ទឹកភ្នែកថា « ជីវិតគូរបស់ខ្ញុំព្រាត់ប្រាសហើយសប្បា យចិត្ដចុះដកខ្លួនដោយសុវត្ថិភាពហើយ ok ម្នាក់ឯងមិនស្លាប់ទេ…។
ចប់ហើយសុំទោសគ្រប់យ៉ាង!»។
ជាមួយគ្នានេះដែរ តារាចម្រៀងរលកថ្មីរបស់ផលិតកម្មភ្លេងរីខត អ្នកនាង សាន ស្រីឡៃ បានបញ្ជាក់នៅក្នុងឃ្លីប វីដេអូថា «ពេលនេះ សាន ស្រីឡៃ ខូចចិត្ត ហើយចាប់ពីថ្ងៃនេះតទៅ ស្រីឡៃ លែងមានប្តីទៀតហើយព្រោះអី ស្រឡៃ មិនបានផ្តល់សេចក្តីសុខឲ្យគេ…!»។
ប៉ុន្តែបន្ទាប់ពីគ្នានេះ បែរជាមានស្រ្តីម្នាក់ចូលមក Commentបញ្ចើច បញ្ចើ ឲ្យនាងថា« កាលមិនទាន់ក្លាយជាតារា ឃើញសរសើរប្តីថាជាអ្នកទំនុកបម្រុងគ្រួសារប្តីល្អនិងរស់នៅជា មួយគ្នាបានកូនដល់ទៅពីរ តែដល់ពេលក្លាយជាតារាភ្លេចគុណប្តី ឈប់លម្លឹកគុណសម្បត្តិ ឃើញតែគុណវិបត្តិ !»។
យ៉ាងណាមិញទោះបីជាមានការរិះគន់បែបនេះ ពីសំណាក់ស្រីម្នាក់ខាងលើនេះ ពេលដែលនាងកំពុងតែជួប ទុក្ខក្តី តែគេពុំបានឃើញតារាស្រី កញ្ញា សាន ស្រីឡៃ ចេញមុខប្រតិកម្មតបតវិញនោះឡើយពោលគឺគ្រាន់តែ នាងនិយាយរៀបពីវិបត្តិផ្លូវចិត្ត ដូចដែលមាននៅក្នុងឃ្លីបវីដេអូខាងក្រោយនេះ ប៉ុណ្ណោះ៕
ប្រភព៖ khmertalking
